Министерството за внатрешни работи отвори проверка по наводите дека две лица биле физички нападнати од полициски службеници во Скопје, а притоа им бил оштетен и автомобилот.
По објавите во дел од медиумите за настанот од 7 октомври, министерот за внатрешни работи наложил Одделот за внатрешна контрола, криминалистички истраги и професионални стандарди да ги испита сите околности и да утврди дали има одговорност кај полициските службеници.
Од Министерството посочуваат дека се преземаат мерки за целосно расчистување на случајот, по што ќе се постапи согласно законските прописи.
„По утврдувањето на фактичката состојба ќе бидат преземени соодветни мерки согласно законските прописи, а јавноста ќе биде навремено известена“, информираат од МВР.