Вкупно девет пожари на отворен простор се регистрирани во текот на денов до 18 часот. Два од нив сѐ уште се активни, еден пожар е под контрола, останатите се изгаснати.
Како што велат од Центарот за управување со кризи, активни се тој на падините на планината Огражден и уште еден кај Кичево.
„Едниот сѐ уште активен е шумски пожар на подрачјето на село Бајково, општина Струмица. Другиот пожар е на територијата на село Гарани, општина Кичево, каде што се опожарени ниска вегетација и стрништа.“
Еден од пожарите кој претходно беше активен сега е ставен под делумна безбедносна рамка.
„Под контрола е пожарот во општина Ново Село, во регионот на село Мокриево, каде опожарена е ниска вегетација.“
Останатите интервенции на противпожарните служби во текот на денот завршиле со целосно гаснење на огнот.
„Изгаснатите пожари биле на територија на општините Гази Баба, Гостивар, Кочани, Теарце, Чешиново – Облешево и Шуто Оризари.“