Заменик-министерот Марјан Ристески најави дека се подготвуваат измени во казнената политика за трговците и добавувачите кои не го почитуваат Законот за нефер трговски практики. Според него, досегашните казни се прениски за да имаат ефект.
„Инсистираме да има промени и зголемување на казните. Очекуваме сегашните казни од 20.000 евра повеќекратно да се зголемат, дури и до 200.000 евра. Освен трговците, ќе бидат казнети и добавувачите“, изјави Ристески.
Тој информираше дека Комисијата за заштита на конкуренцијата (КЗК) веќе открила поголеми неправилности и отворила 30 предмети. Досега се изречени казни од околу 200.000 евра вкупно, но Ристески смета дека со зголемување на глобите ќе се воспостави многу поголема контрола врз цените и ќе се заштитат потрошувачите.