Околу 2.000 бродови со вкупно 20.000 морнари во моментов се блокирани во Ормуската Теснина без можност да испловат. Генералниот секретар на Меѓународната поморска организација (ИМО), Арсенио Домингез, алармира дека состојбата станува критична поради исцрпување на залихите и зголемениот стрес кај екипажите.
„Се разбира, колку подолго тие бродови остануваат таму, толку подолго екипажите продолжуваат да страдаат од стрес, ментално и од замор, како и од намалување на сите резерви што им се потребни за бродовите да продолжат да функционираат“, изјави Домингез.
Тој појасни дека осигурителните компании одбиваат да ги покријат загубите, наплаќајќи екстремно високи премии или целосно откажувајќи ги договорите. Според него, засега хуманитарна криза се избегнува само благодарение на помошта од околните земји, додека ИМО инсистира на итно отворање на хуманитарен коридор.
Домингез упати и критика до планот на американскиот претседател Доналд Трамп за воена придружба на бродовите, нарекувајќи го „неодржлив“ бидејќи не гарантира безбедност за трговските пловила и животите на морнарите.