Патнички авион на авиокомпанијата „Американ ерлајнс“, кој сообраќал на линијата од Рим до Филаделфија, изврши итно слетување во Даблин откако повеќето членови на екипажот се пожалиле на вртоглавица и здравствени тегоби.
Авионот од типот „Боинг 787-9 Дримлајнер“ бил во воздух околу три часа кога пилотите донеле одлука за пренасочување на летот кон аеродромот во ирскиот главен град.
Според информациите на италијанската новинска агенција ANSA, шест од деветте членови на кабиниот екипаж почувствувале здравствени проблеми.
Од „Американ ерлајнс“ за порталот „Симпл Флајинг“ потврдија дека кратко пред слетувањето во патничката кабина бил детектуран необичен мирис.
По слетувањето на аеродромот во Даблин, медицинските екипи веднаш ги прегледале засегнатите членови на екипажот, како и еден патник кој исто така пријавил непријатност.
Летот полетал од Рим во саботата околу 12:40 часот по локално време, а крајната дестинација требало да биде Филаделфија.
Надлежните авио-служби спроведуваат истрага за да ги утврдат причините за појавата на мирисот и здравствениот инцидент за време на летот.