Драма на Кардиохирургија: Вработен го истепал директорот на клиниката, па сам се пријавил во полиција
Вистинска драма се случила утрово на Клиниката за кардиохирургија во Скопје, каде вработен во клиниката прво вербално нападнал медицинска сестра, па го истепал директорот, за на крај сам да се пријави во полициската станица во Центар.
„На 18.09.2023 околу 10 часот во СВР Скопје добиена е пријава од Клиниката за кардиохирургија дека С.Ј. (вработен во клиниката) вербално нападнал медицинска сестра, а потоа физички го нападнал М.Ш. (директор на клиниката), по што ја напуштил клиниката и самиот се пријавил во ПС Центар, .
Известен е јавен обвинител и се преземаат мерки за расчистување на настанот“, изјавија од МВР за Прес24.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
