Началникот на граничната полиција на преминот „Бајаково“, Лука Домачиновиќ, е лишен од слобода во нова акција на хрватскиот УСКОК. Тој се сомничи дека ја злоупотребил својата позиција за да оствари противправна имотна корист од околу четири илјади евра.
Според информациите од хрватските медиуми, Домачиновиќ со месеци се евидентирал дека е присутен на работното место, иако во тоа време бил во својот дом. И покрај отсуството, тој редовно ја подигнувал платата како да бил на должност на еден од најфреквентните гранични премини.
Од УСКОК соопштија дека по сослушувањето на осомничениот ќе биде донесена одлука за понатамошните дејствија во случајот, по што јавноста ќе биде дополнително информирана.