Цените на нафтата Брент паднаа на околу 106 долари за барел вечерва, откако претходно во текот на денот достигнаа четиримесечен максимум од 110 долари, според податоците од Trading Economics.
Корекцијата следи по изјавата на американскиот претседател Доналд Трамп дека Русија и Украина се согласиле да ги запрат меѓусебните напади врз енергетската инфраструктура. Истовремено, цената на суровата нафта се спушти на околу 102 долари за барел од претходните 105 долари.
Претходните напади врз руските рафинерии го намалија рафинирачкиот капацитет и ја претворија Русија во увозник на дизел од јули. Сепак, цените остануваат над 100 долари поради застоите во снабдувањето од Блискиот Исток.
Саудиска Арабија ги запре операциите на нафтоводот Исток-Запад по нападите од Ирак, со што е оневозможен транспорт на околу седум милиони барели дневно до Црвеното Море, додека рутите преку Персискиот Залив се веќе блокирани од Иран.
Планираните разговори меѓу земјите од Советот за соработка во Заливот и Иран за деблокирање на испораките се одложени од Техеран, јавува Танјуг.