Добра вест за Македонија! Продолжуваме да градиме, да поврзуваме и да создаваме нови можности! Денес e почетокот на изградбата на автопатската делница Букојчани – Кичево, уште еден значаен инфраструктурен проект и важен чекор кон нашата голема цел, целосно автопатско поврзување на Скопје и Охрид.
Ова денеска преку Фејсбук го објави премиерот Христијан Мицкоски. Вели дека проектот се реализира по години одложувања и изгубени можности.
-Со реализацијата на проектите Кичево – Охрид, Гостивар – Букојчани, Тетово – Гостивар и Букојчани – Кичево, ја создаваме инфраструктурната основа за побрз транспорт, поголема безбедност, нови инвестиции и посилен економски развој на Македонија. По години одложувања и изгубени можности, Македонија заслужува дела, а не изговори. Додека опозицијата продолжува со празни критики и политички препукувања, нашиот одговор се конкретните проекти што ќе им служат на граѓаните и на идните генерации. Делата се нашата одлика, а развојот на Македонија е нашата обврска, вели тој.