Малолетна германска државјанка завршила во болница по несреќен случај што се случил во затворен базен во туристички објект во областа Рабац, соопшти полицијата во Лабин.
Несреќата се случила вчера, непосредно пред 10 часот наутро, додека девојчето пливало и нуркало во базенот.
Според информациите од полицијата, на длабочина од околу еден метар таа се приближила до ѕидниот филтер, кој ѝ ја заглавил косата.
Поради тоа, девојчето не можело да излезе на површината и поминало одредено време под вода.
Член на нејзиното семејство и еден од гостите во хотелот веднаш пружиле на помош и започнале со реанимација сè до пристигнувањето на екипата на итната медицинска помош.
По укажаната првична медицинска помош, девојчето со хеликоптер било итно пренесено во болницата во Риека за понатамошно лекување.
Полициските службеници продолжуваат со истрагата за утврдување на сите околности под кои се случила несреќата.