Денеска, на Меѓународниот аеродром Скопје официјално ќе биде промовиран првиот лет на авиокомпанијата „Виз ер“ кон Прага. Со ова, чешката престолнина станува најновата дестинација во листата на летови од скопскиот аеродром.
Новата авиолинија беше најавена уште во јули од страна на вицепремиерот и министер за транспорт, Александар Николоски. Тој тогаш објави дека е потпишан договор за вкупно пет нови дестинации од Скопје:
- Од ноември: Стокхолм и Мадрид.
- Од декември: Бари, Келн и Прага.
На настанот денеска се очекува да присуствуваат: генералниот директор на „ТАВ Македонија“, Неџат Курт; амбасадорот на Чешка, Јарослав Лудва; раководителот за комуникации во „Виз ер“, Андраш Радо; и министерката за енергетика, рударство и минерални суровини, Сања Божиновска.