Православните верници денеска го одбележуваат spоменот на Свети апостол Тадеј, еден од Седумдесеттемина апостоли. Тој најпрво примил крштевање од свети Јован Крстител, а потоа станал следбеник на Исус Христос.
По Воскресението и Вознесението Христово, апостол Тадеј бил испратен во својот роден град Едеса, со цел да го исполни ветувањето дадено на кнезот Авгар, на кого претходно му била испратена крпата со ликот на Исус.
Според преданието, кнезот Авгар се излечил од лепра кога ја целивал крпата, но целосното исцелување уследило откако апостолот го поучил во верата и го крстил, по што остатокот од болеста целосно исчезнал од неговото лице.
По овој настан, кнезот ги повикал сите граѓани на Едеса да ја слушнат проповедта на апостолот, по што жителите ги отфрлиле идолите и ја примиле христијанската вера.
Иако кнезот Авгар му понудил многу злато во знак на благодарност, апостол Тадеј одбил да го прими со зборовите: „Кога своето го оставивме, како да го примаме туѓото?“.
Апостолот продолжил да го проповеда Евангелието низ Сирија и Феникија, а се упокол во Господа во градот Вирит Финикиски.