Македонија се наоѓа под влијание на стабилно, но многу студено време, кое според синоптичарите ќе потрае до утре, кога се очекуваат нови врнежи од снег.
Утрешниот ден ќе започне со умерена облачност и ниски утрински температури кои на места ќе се спуштат и до -8 степени. Преку денот ќе биде сончево со умерена облачност и слаб североисточен ветер, со максимални температури до 6 степени. Во Скопје се очекува слично време со утрински -4 и дневни 4 степени.
„Кон крајот на денот, во текот на ноќта и во среда се очекуваат повремени врнежи претежно од снег“, предупредуваат од Управата за хидрометеоролошки работи.
Од четврток следува стабилизација со сончеви периоди, но во котлините ќе се појави магла.