Во текот на изминатото деноноќие на територијата на државата се регистрирани вкупно 34 пожари на отворен простор, од кои три се сè уште активни, а седум се ставени под контрола.
Според информациите од Центарот за управување со кризи (ЦУК), активните жаришта се лоцирани во три општини.
Првиот активен пожар е на подрачјето меѓу селата Буринец, Локов, Селце и Елевци во општина Струга.
Вториот се наоѓа во општина Македонски Брод, кај селото Белица, во месноста Кајорец кон селото Брезица.
Третиот активен пожар е евидентиран во општина Чучер-Сандево, кај селото Брест, во месноста викана Рамно.
Пожарникарите и надлежните служби продолжуваат со интервенциите на терен за справување со огнот и локализирање на преостанатите жаришта.