Црни бројки: Во 2021 во Македонија секој ден од ковид умирале во просек по 15 лица
И вчерашниот ден помина со релативно ниска бројка на нови случаи. Позитивни беа помалку од 8% од тестираните граѓани па денот заврши со 269 нови случаи.
Она што загрижува е податокот дека починаа дури 15 лица. Само од почетокот на декември починале вкупно 287 лица што значи дека месецов во просек дневно поради последици поврзани со ковид умирале по повеќе од 12 лица. Заклучно со вчерашниот ден, од почетокот на оваа година поради ковид последици починале вкупно 5365 лица што значи дека оваа година во просек, секој ден од ковид починувале по 15 пациенти.
Вкупната бројка на КОВИД-дијагностицирани лица во нашата земја од почетокот на епидемијата изнесува 222.333, бројот на оздравени пациенти е 209.291, на починати е 7.868, а бројот на активни случаи изнесува 5.174
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
