Денес времето ќе биде облачно со пообилни врнежи од дожд (над 30 l/m²). На повисоките места врнежите ќе бидат од дожд и снег, а на планините претежно снег. Ќе дува умерен, повремено засилен ветер од северозападен правец, особено изразен долж Повардарието. Минималната температура ќе се движи од 2 до 7°C, а максималната од 6 до 12°C.
Во Скопје ќе биде облачно со врнежи од дожд. Ќе дува слаб до умерен ветер од северен правец. Минималната температура ќе се спушти до 5°C, а максималната ќе достигне до 9°C.
Во петок и сабота времето ќе биде променливо облачно со услови за слаб локален дожд. Во сабота се очекува засилен, повремено силен ветер кој на места ќе достигне над 70 km/h. Од недела следува период на претежно стабилно и потопло време.