Општина Чаир, во соработка со ЈП „Комунална хигиена“, вечерва спроведе акција за миење на главните сообраќајници на својата територија, со цел отстранување на наносите и нечистотиите оставени по неодамнешното невреме.
Во акцијата беа ангажирани две цистерни кои ги миеја најфреквентните улици, со што се придонесе за враќање на чистотата и нормалното одвивање на сообраќајот.
Од општината информираат дека вакви активности ќе продолжат и во наредните денови, во зависност од состојбата на терен и потребите за интервенција.