Цените на суровата нафта забележаа нов раст на светските берзи, при што суровата нафта од типот „Брент“ се искачи над 91 долар за барел, додека европските берзански индекси забележаа мешани резултати.
Инвеститорите и пазарите во моментов ги очекуваат конечните податоци за инфлацијата во еврозоната, како и записниците од последниот состанок на американските Федерални резерви (ФЕД) за насоката на каматните стапки.
Суровата нафта од типот „Брент“ утрово порасна за 0,82 проценти и се тргуваше по цена од 91,746 долари за барел, додека американската сурова нафта WTI забележа раст од 0,88 проценти на 85,646 долари.
Кај европските берзански индекси, германскиот DAX падна за 0,11 проценти, а миланскиот FTSE MIB за 0,08 проценти. Од друга страна, францускиот CAC 40 забележа благ раст од 0,19 проценти, британскиот FTSE 100 од 0,02 проценти, а московскиот MOEX порасна за 0,28 проценти.
Во текот на неделата се очекува објавување на записникот од со состанокот на ЕЦБ за монетарната политика, како и податоците за трошоците за работна сила и индексот на менаџери за набавки (PMI) во еврозоната.
На берзата во Амстердам (TTF), европските фјучерси за гас за септември се тргуваа по цена од 64,3 евра за мегават-час.
Вредноста на еврото во однос на доларот изнесува 1,15922 долари, цената на златото се искачи на 4.348,93 долари за тројанска унца, додека цената на пченицата изнесува 6,6788 долари за бушел.
На американските берзи, индустрискиот индекс Dow Jones забележа пад од 0,22 проценти на 53.343,40 поени, S&P 500 падна за 0,69 проценти на 7.691,76 поени, а Nasdaq забележа пад од 1,33 проценти спуштајќи се на 26.289,71 поени.