Цените на нафтата денес забележаа мал пораст на светските берзи, при што суровата нафта (WTI) се продаваше за 70,26 долари за барел.
Во исто време, нафтата од типот Брент на пазарите достигна цена од 73,46 долари за барел.
Според официјалните податоци објавени на берзите во 9:00 часот наутро, европските индекси DAX, MOEX, CAC и FTSE моментално се наоѓаат во мало црвено.
На отворањето на берзата во Амстердам (TTF), европските фјучерси за гас за јули денес се тргуваа по цена од 51 евро за мегават-час.
Оваа вредност на гасот на пазарот е еквивалентна на цена од 505 евра за 1.000 кубни метри.
На девизниот пазар, вредноста на еврото во однос на американскиот долар денес изнесува 1,14 долари.
Кај благородните метали и суровините, цената на златото се искачи на 4.047,70 долари за тројанска унца, додека цената на пченицата забележа пад и се тргува за 5,74 долари за бушел (еден бушел изнесува 27,216 килограми).
Спротивно на европските, американските берзански индекси Dow Jones, S&P 500 и Nasdaq утрово забележаа зголемување на вредноста за околу еден процент.
Позитивен тренд е забележан и на азискиот пазар, каде кинескиот Hang Seng (Хонг Конг) е во благ пораст предводен од технолошките и финансиските акции, а зголемување бележи и шангајскиот Shenzhen CSI 300.