Бројот на жртвите во руските напади врз Харков, вториот по големина град во Украина, порасна на најмалку 5, а уште 30 лица се ранети, соопшти обласниот гувернер Олег Синегубов.
-Бројот на загинати во рускиот ракетен напад врз Харков се зголеми на пет. Триесет лица се примени во болница, од кои тројца се во критична состојба, напиша Синегубов на Телеграм.
Претходно денеска градоначалникот на Харков, Игор Терехов, соопшти дека три лица биле убиени во руски напад со наведувани бомби, а уште 25 се ранети, при што нагласи дека во нападите биле нанесени штети на станбени згради и магацини.