Бројот на загинати во автобуската несреќа во Индија се искачи на 36

Најмалку 36 лица загинаа, а шест се повредени кога автобус падна во клисура во северната индиска држава Утараханд, изјави официјален претставник за „Ројтерс“.

Автобусот со 42 патници патувал од Гарвал на Хималаите и бил на пат кон градот Рамнагар.

На фотографиите од новинската агенција „АНИ“ се гледа како превртениот автобус лежи покрај реката во подножјето на ридот.

Главниот државен министер Пушкар Синг Дами на „Икс“ објави дека ќе се спроведе истрага за причините за инцидентот.