Откако изминатиот викенд цели на лажните дојави за поставени експлозивни направи беа трговските центри во Скопје, Сараево, Загреб и Подгорица, денеска наутро фокусот на заканите се префрли на образовните институции.
Утринава училишта ширум регионот добија дојави за поставени бомби, што предизвика масовни евакуации на учениците и прекин на наставата:
- Хрватска: Во Сплитско-далматинската жупанија, училиштата добија пријави за бомби, поради што учениците беа итно евакуирани.
- Босна и Херцеговина: Во Херцеговачко-неретванскиот кантон, дојави за бомби беа регистрирани во Мостар, Неум, Чапљина и други места.
- Црна Гора: Две средни училишта во општина Бар се евакуирани поради закани.
Надлежните служби во сите земји работат на терен со цел да се провери веродостојноста на овие дојави, но до овој момент, како и во претходните случаи, станува збор за серија на лажни закани кои имаат за цел да предизвикаат паника и да го нарушат јавниот ред и мир.