Федералните власти во Мајами вчера ги приведоа контроверзните инфлуенсери Ендру и Тристан Тејт, постапувајќи по официјално барање на британското правосудство. Од Американската маршалска служба потврдија дека браќата во моментов се наоѓаат во притвор, каде што се спроведува формалната постапка за нивна екстрадиција. Според тврдењата на надлежните служби од Обединетото Кралство, против двајцата се отворени нови случаи за тешки кривични дела сторени во периодот од 2010 до 2017 година.
Од Кралската служба за обвинителство алармираат дека со новите полициски докази вкупниот број на жртви во процесот се искачи на седум. Наспроти ова, адвокатите на одбраната реагираат дека обвиненијата се најобичен политички монтиран удар кој има за цел да им наштети на браќата.
Официјалното соопштение на британските обвинители прецизно ги лоцира новите точки од обвинението за Ендру Тејт:
„Кралската служба за обвинителство на Обединетото Кралство (ЦПС) соопшти дека Ендрју Тејт се товари со седум нови точки за силување, како и со други обвиненија поврзани со наводни кривични дела како што се трговија на луѓе заради сексуална експлоатација и детска порнографија.“
Тристан Тејт се товари за сексуално напаство, две дела силување и три дела помагање во трговија на луѓе. Неговиот адвокат Џозеф МекБрајд јавно ја отфрли одговорноста на своите клиенти:
„Ние сме сигурни дека штом компетентен судија ги види фактите, а Министерството за правда се соочи со ова грубо злоупотребување на сопствениот авторитет, Ендрју и Тристан Тејт ќе излезат на слобода. Америка не врши британска политичка валкана работа – додаде тој.“