Ако продолжи растот на цените на горивата, Владата ќе разгледа дополнителни мерки за да го ублажи ударот врз граѓаните, најави министерката за енергетика Сања Божиновска.
Во моментов единствената мерка е намаленото ДДВ за горивата од 18 на 10 проценти, а за евентуални нови интервенции ќе се разговара на владината седница во вторник.
Божиновска вели дека се следат движењата на светските пазари и дека при носењето на нови мерки ќе мора да се земат предвид и фискалните последици врз Буџетот.
Засега нема нови преговори со „ОКТА“ за попуст, но министерката не ја исклучува и оваа можност доколку ситуацијата дополнително ескалира.