На 19 февруари 2021 година, пред пет години, почина еден од најголемите текстописци и изведувачи на Балканот – Ѓорѓе Балашевиќ.
Малкумина денес се сеќаваат дека својата кариера ја започна во групата Рани Мраз, каде што настапуваше заедно со Бора Чорба. Иако биле добри пријатели, токму една песна подоцна станала причина за раздор меѓу нив.
Станува збор за хитот „Лутка са насловне стране“, кој подоцна стана еден од најпознатите на бендот Рибља Чорба. Според приказните, Бора сакал песната да биде објавена, додека Балашевиќ не се согласувал со тоа. Несогласувањето довело до прекин на соработката и заминување на Балашевиќ од групата.
По разделбата, Бора ја формирал „Рибља Чорба“, а низ годините двајцата музичари често знаеле јавно да се прозиваат. Се чинеше дека „воените секири“ никогаш не беа целосно закопани.
– Има еден автор, приватно не го ценам многу, но не можам да кажам дека не е голем талент. Не само талент, туку сјаен автор. Може да ме изненади со рима, еден од ретките. Зборувам за Балашевиќ – изјави во една прилика Бора.
Од друга страна, Балашевиќ речиси никогаш јавно не го коментираше раздорот и несогласувањата со поранешниот соработник.
Песната „Лутка са насловне стране“ со години предизвикуваше интерес во јавноста, а главното прашање беше – која е жената за која се пее и зошто Балашевиќ не сакал таа да биде објавена.
Се шпекулираше дека песната е посветена на Мери Цакиќ, која се појавува и во спотот, но Бора во една прилика ја демантираше таа верзија.
– Ниеден одговор не е точен. Мери не беше „куклата“. Станува збор за повеќе личности споени во една, со слични животни приказни. Една од нив снимаше филмови за возрасни во Италија, а кај нас се претставуваше како сериозна актерка. Друга гола свиреше на виолина пред цело друштво… Многу такви приказни има, многумина се препознаа – изјави Бора.
Инаку, Бора Чорба почина на 71-годишна возраст, на 4 септември 2024 година, во болница во Љубљана.