Кризата на Блискиот Исток и блокадата на стратешкиот Ормутски теснец предизвикаа вистински финансиски масакр за земјите од Персискиот Залив. Според анализата на истражувачкиот центар ТЕСПАМ од Анкара, за само 30 дена, регионот претрпе штети кои ја надминуваат вртоглавата сума од 50 милијарди долари.
Извозот на нафта од гигантите како Саудиска Арабија, Ирак и ОАЕ е десеткуван и бележи пад од неверојатни 36,4 проценти.
„Ова не е само енергетска криза, туку тотален економски колапс на логистиката, трговијата и туризмот во регионот. Најголемите губитници се извозниците од Заливот и азиските увозници кои зависат од овој премин“, алармираат експертите од Анкара.