Јавното комунално претпријатие „Водовод“ – Битола започнува процес на сериозна трансформација кон модерен и одржлив водоводен систем. Ова беше потврдено на работниот состанок на кој присуствуваа градоначалникот на Битола, Тони Коњановски, директорот на ЈКП „Водовод“, Андреј Гинов, и претставници од швајцарската амбасада, со кои се разговараше за деталите на новиот проект за модернизација.
Градоначалникот Тони Коњановски, заедно со директорот Андреј Гинов, присуствуваше на работен состанок во ЈКП „Водовод“ Битола со претставници од швајцарската амбасада, посветен на реализација на нов проект за модернизација и дигитализација на системот.
Клучни фактори на проектот:
Рационализација на водните ресурси со акцент на регионални водоводни мрежи
Прва фаза опфаќа приоритетни регионални системи со најголема потреба
Проектот е структуриран во три фази, јасно дефинирани и според финансиска тежина
Надградба на постојниот SCADA систем и дигитална трансформација
Автоматизирано отчитување, особено во руралните средини
Намалување на загубите на вода и зголемување на ефикасноста
Поддршка од европски фондови и меѓународни партнери
Проектот претставува континуитет и надградба на долгогодишните инвестиции и заложби на ЈКП „Водовод“, со јасна цел – целосно дигитализиран и ефикасен систем.
Со овие активности, Битола прави значаен чекор кон одржливо, модерно и одговорно управување со водните ресурси.