Кафето, со кое речиси сите го започнуваме денот, не служи само за будење, уживање и краток момент на релаксација. Освен својата секојдневна улога како омилен напиток, има и неочекувана практична примена, особено во пролетните и летните месеци кога инсектите се поактивни.
Имено, мирисот на кафето може да делува како природен одбивач за мравки во домот. Доволно е во аглите на просториите, на терасата или на местата каде што најчесто се појавуваат, да се постави мала количина зрна кафе или искористен талог од кафе. На овој начин, без употреба на хемикалии, може да се намали или целосно да се спречи нивното присуство.
Овој едноставен трик сè почесто се користи како природно решение за одржување на домот, особено во периоди кога мравките се најактивни.