Бектеши: Посветени сме на плановите за енергетска диверзификација и независност на енергетскиот сектор
Целосно ги поддржуваме геостратешките пристапи за енергетска независност и безбедност во целиот регион. Под водство и тесна соработка со нашиот стратешки партнер САД посветени сме на плановите за постигнување на енергетска диверзификација и независност во енергетскиот сектор, истакна министерот за економија Крешник Бектеши, кој во рамки на официјалната посета на Соединетите Американски Држави се сретна со водечки личности во Белата куќа и во Стејт департментот.
На средбите, како што соопшти Министерството за економија, една од најважните теми била енергетската безбедност во регионот.
– САД и Северна Македонија се посветени на зајакнување на партнерството во транзиција и производство на обновливи извори на енергија, напиша Бектеши на својот фејсбук профил.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа