Автомобил излета од патот Првалец - с.Смојмирово, тешко повреден сопатник
Вчера околу 06.40 часот во Полициската станица Виница било пријавено дека на регионалниот пат Првалец - с.Смојмирово, на место викано „Горна Осојница“, патничко возило „шевролет спарк“ со штипски регистарски ознаки, управувано од З.М.(53) од Берово, излетало надвор од коловозот.
Во несреќата со тешки телесни повреди се здобил сопатникот В.М.(22) од Берово, а со телесни повреди се здобил возачот, констатирани во Општата болница Кочани и Клиничката болница Штип.
Извршен бил увид од увидна екипа од ОВР Виница.
19.12.2024 - 12:03
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
