Авионот на српскиот претседател Александар Вучиќ денеска беше пречекан и придружуван од три авиони „Сухој“ при влезот во воздушниот простор на Казахстан. Вучиќ истакна дека ваквиот потег на домаќините е знак на исклучително пријателство и почит кон Србија.
„Веројатно е прв пат откако сум во посета некаде, домаќините да одлучат да го кренат ‘сухојот’ како знак на големата чест што им ја оддаваат на своите гости. Тоа е прекрасен знак на пријателство кон Србија“, изјави Вучиќ.
Пред полетувањето за Казахстан, каде претседателот го очекуваат важни политички разговори на температура од минус 30 степени, тој го посети вицепремиерот Ивица Дачиќ, кој се наоѓа во болница. Вучиќ преку социјалните мрежи информираше дека состојбата на министерот за внатрешни работи е во фаза на подобрување.