Во интервју за Форбс (Forbes), пејачот Ашер јавно застана во одбрана на Шон „Диди“ Комбс иако Комбс неодамна беше осуден за две обвиненија за организирање транспорт – проституција, а ослободен од обвиненијата за уцена и трговија со луѓе поради сексуална злоупотреба.
Според достапните информации, Комбс од затвор би требало да излезе во април 2028 година. И покрај пресудата и сериозните обвиненија, Ашер одлучи јавно да ја изрази својата поддршка и да зборува за влијанието на Комбс во неговиот живот, како и во музичката и бизнис индустријата.
-Сметам дека во многу случаи одредени луѓе се прогонуваат, а можеби не се препознава доброто што го нудат. Немам ништо негативно да кажам за Шон Комбс, бидејќи моето искуство не беше такво какво што светот го гледа. Моето искуство со него е сосема различно и ги ценам неговите способности и влијание, изјави Ашер.
-Можеби никој не е совршен, но не може да се занемари придонесот што овој музичар го даде на афроамериканската бизнис-заедница, како и на светската култура. За мене тој е „многу строг учител“, и според мене, многумина имаа корист од неговите напори и од она што тој го создаде како бизнисмен и лидер, додаде пејачот.
Според Ашер успехот и моќта носат искушенија и проблеми, но тој сепак го почитува името на Комбс поради сè што научил набљудувајќи ги неговите бизнис активности и стратегии. Сепак, неговиот став доаѓа во време кога Комбс се соочува со над 70 тужби поднесени од октомври минатата година, кои вклучуваат сериозни обвиненија за сексуално злоупотребување. Дел од обвинувањата беа прикажани за време на судењето во 2025 година. Кид Кади и поранешната партнерка на Комбс, Кеси сведочеа против него. Јавноста беше особено потресена од снимка од надзорната камера од 2016 година на која се гледа како Комбс физички ја нападнал. Поради сериозноста на случајот и јавната осуда, излегувањето на Комбс од затвор е одложено за 25 април 2028 година. Во меѓувреме медиумите продолжуваат да го следат случајот