Помалку од половина од испитаниците во Полска, Франција, Германија и Италија би ја поддржале Украина да стане членка на Европската Унија или НАТО, дури и во случај да се постигне мировен договор меѓу Киев и Москва, покажува најновата месечна анкета на агенцијата YouGov.
Според резултатите, 42% од Полјаците ја поддржуваат идејата Украина да влезе во ЕУ, додека 45% би ја прифатиле како дел од НАТО. Слични нивоа на поддршка се забележани и во Франција, Германија и Италија.
Многу повисока јавна поддршка е регистрирана во Велика Британија и Шпанија. Во Обединетото Кралство, 69% од испитаниците ја поддржуваат украинската интеграција во ЕУ, а 66% во НАТО. Во Шпанија, поддршката е уште поголема – 70% за ЕУ и 62% за НАТО.
Европските граѓани генерално ја поддржуваат продолжената финансиска помош за Украина. Најподготвени се Британците и Шпанците со 68% поддршка. Италија, пак, останува најподелена: 43% се за финансиска помош, а 40% против.
Анкетата е спроведена од 7 до 27 ноември.