Министерот за дигитална трансформација, Стефан Андоновски, денеска соопшти дека за само четири месеци е постигнат значителен напредок во поврзувањето на институциите и општините. На националната конференција „Граѓаните на прво место“, тој истакна дека целта е побрзи и подостапни услуги преку суштинска дигитална реформа.
Според министерот, бројките покажуваат драстичен раст во користењето на дигиталните алатки.
„Во ноември се реализирани 2,6 милиони трансакции преку платформата за интероперабилност – што претставува зголемување од 250% во однос на просекот во 2024 година. Истовремено, за 20 проценти е зголемен бројот на институции и компании приклучени на платформата“, посочи Андоновски.
Тој нагласи дека дигитализацијата значи помалку хартија, пократко чекање на шалтерите и намалување на просторот за корупција преку јасни и следливи процедури.