Американската амбасада во Тирана синоќа издаде итно безбедносно предупредување до своите државјани, укажувајќи на сериозни закани од групи поврзани со Иран. Според официјалното известување, постои реален ризик од таргетирање на објекти и лица поврзани со САД, но и јавни места каде што има голема фреквенција на луѓе.
Како потенцијални цели се наведени хотели, клубови, ресторани и трговски центри низ албанската престолнина.
„Ги охрабруваме американските граѓани да бидат максимално внимателни и да ја зголемат будноста. Следете ги локалните медиуми и бидете свесни за својата околина во секој момент“, стои во предупредувањето од Амбасадата.