Лидерот на ДУИ, Али Ахмети се сретна со амбасадорката на САД во земјава. Информацијата ја соопшти на социјалната мрежа ФБ. Кажа дека разговарале за односите и за актуелните политички состојби во државата.
Денес, во седиштето на Демократската унија за интеграција во Тетово, имав задоволство да ја пречекам Н.Е. г-ѓа Никол Варнс, вршител на должноста амбасадор во Амбасадата на
Соединетите Американски Држави во Скопје.
Ѝ се заблагодарив на г-ѓа Варнс за нејзиниот посветен и конструктивен ангажман, како и
за нејзиниот придонес кон зајакнувањето на партнерството меѓу Соединетите Држави и
Северна Македонија. Во отворена и конструктивна атмосфера, разменивме мислења за
актуелните политички случувања и за важноста од зајакнување на демократските институции.
Ја изразив мојата длабока благодарност за незаменливата улога на Соединетите Држави како стратешки партнер на Северна Македонија и како клучен придонесувач за мирот, безбедноста и стабилноста во целиот регион.
Поддршката од САД беше од суштинско значење за постигнувањето на Охридскиот рамковен
договор и останува клучна за почитување на неговиот дух, унапредување на еднаСквоста и зајакнување на општествената кохезија.
Ја потврдив нашата посветеност кон стратешкото партнерство со Соединетите Држави, кон
целосното спроведување на Охридскиот рамковен договор и кон европската иднина на
земјата.
Континуираниот дијалог со нашите меѓународни партнери останува од витално значење за изградба на демократска, стабилна и инклузивна Северна Македонија, во која сите граѓани уживаат еднакви права и можности, напиша Ахмети на ФБ по средбата со амбасадорката.