Во текот на денешниот ден делови од три скопски општини ќе останат без електрична енергија поради планирани прекини во снабдувањето, информираат од Регионалниот центар за управување со кризи – Скопје, повикувајќи се на податоци од ЕВН Македонија.
Во општина Петровец, без струја ќе бидат корисниците на улицата Петровец – отцеп спроти селото Ржаничино, во периодот од 8 до 15 часот.
Во општина Кисела Вода, прекин на електричната енергија е најавен на улиците Христо Татарчев 1, 3, 5, 7 и 11, од 9 до 13 часот.
Без напојување со електрична енергија ќе останат и жителите на местото викано „Под Брег“ во Горно Соње, општина Сопиште, во периодот од 9 до 12 часот.

