Авиони на НАТО за рано предупредување и контрола „AWACS“ извршуваат летови над Бугарија, при што ги следат активностите во воздушниот простор и на море и даваат поддршка на мисиите на бугарските борбени авиони, пренесе бугарската телевизија бТВ.
Алијансата ја сподели информацијата за оваа активност преку официјална објава на социјалните мрежи, придружена со фотографии од своите сили за воздушно набљудување.
Од НАТО нагласуваат дека ваквото заедничко дејствување им овозможува на сојузниците навремено да ги препознаваат потенцијалните закани и брзо да реагираат со цел заштита на воздушниот простор.
Во објавата на Алијансата не се наведува конкретен инцидент или непосредна закана како повод за реализација на овие летови.