Дел од корисниците во скопската населба Пролет утре ќе бидат со прекин во водоснабдувањето поради уличен дефект, информираат од ЈП „Водовод и канализација“.
Како што појаснуваат оттаму, станува збор за дефект со ф-80 милиметри на улицата Славе Ѓорѓиевски Шнајдерот, во близина на ДИМ маркет. Поради овие зафати, вода нема да имаат жителите на улиците Славе Ѓорѓиевски Шнајдерот, Славко Јаневски, Тетовска и Јосиф Јосифовски Свештарот.
Прекинот на водоснабдувањето ќе започне утре од 09:00 часот и ќе трае сè до целосно завршување на санацијата на дефектот од страна на дежурните екипи.