Припадници на српското Министерство за внатрешни работи, во соработка со Управата за гранична полиција и по наредба на Специјалното одделение за сузбивање на корупцијата при Вишото јавно обвинителство во Белград, го уапсија 21-годишниот државјанин на Узбекистан, С.И., поради сомнеж за сторено кривично дело поткуп.
Според полициските информации, инцидентот се случил за време на редовна гранична контрола на излез од Србија на аеродромот „Никола Тесла“. Осомничениот се сомничи дека му понудил пари на полициски службеник со цел да избегне извршување на службено дејствие што тој морал да го изврши.
Активноста е дел од продолжената борба против корупцијата и финансискиот криминал која ја спроведуваат надлежните институции.
На уапсениот државјанин му е одредена мерка притвор во траење до 48 часа. Тој со кривична пријава ќе биде изведен пред надлежниот обвинител во Вишото јавно обвинителство во Белград за понатамошно постапување.