Скопје: Се обидела да запали оган со бензин, па завршила со тешки изгореници во болница

Вчера околу 20:40 часот во СВР Скопје, од Комплексот клиники „Мајка Тереза“ е пријавено дека кај нив со тешки телесни повреди од изгореници била донесена С.С.(32) од Скопје, соопштија од МВР.

Според пријавеното, таа со изгорениците се здобила во с.Орешани, скопско, додека се обидувала да запали оган со бензин.

Излезено е на местото на настанот од полициски службеници од СВР Скопје и се работи на расчистување на случајот.