Учениците од сите основни и средни училишта во Србија од утре одат на есенски распуст, а во училишните клупи ќе се вратат во понеделник, на 16 ноември.
Среда, 11 ноември, е неработен ден за сите вработени во соседството поради одбележувањето на Денот на примирјето во Првата светска војна.
Според училишниот календар за учебната 2026/2027 година, официјалниот есенски одмор трае од 11 до 13 ноември. Заедно со претстојниот викенд, учениците ќе добијат вкупно пет поврзани неработни денови.
За разлика од зимскиот распуст, каде што термините се разликуваат меѓу АП Војводина и остатокот од земјата, есенскиот одмор се реализира истовремено на целата територија на Србија.
Следниот одмор за учениците е планиран за крајот на годината, по завршувањето на првото полугодие.
Во централна Србија, основците го завршуваат семестарот на 30 декември, а средношколците на 31 декември, по што на настава се враќаат на 18 јануари. Во Војводина, пак, полугодието завршува на 23 декември, а второто полугодие започнува на 11 јануари.
Според календарот, следат и краткиот распуст за празников Сретење од 15 до 19 февруари, како и пролетниот распуст кој ќе трае од 30 април до 4 мај 2027 година.