Премиерот Христијан Мицкоски порача дека Владата инвестира во модернизација на институциите, подобрување на јавните услуги и зголемување на безбедноста за граѓаните.
„Како Влада, инвестираме во модернизација на институциите, подобри јавни услуги и поголема безбедност за сите граѓани. Се грижиме за потребите на граѓаните и градиме посилна, поефикасна и современа држава“, напиша Мицкоски.
Во објавата тој ги наведе и планираните возила за потребите на институциите:
- 100 нови амбулантни возила за македонското здравство;
- 26 специјализирани возила за модернизација на Царинската управа, со поддршка од Европската Унија;
- 65 мултифункционални комунални возила;
- 100 нови возила за Македонска пошта;
- 120 нови возила за македонската полиција;
- 124 нови возила за потребите на Армијата на Република Северна Македонија (АРМ).
Вкупно, во објавата се наведени 535 возила за здравството, царината, комуналните служби, поштата, полицијата и Армијата.