Вонредните парламентарни избори во Србија се одвиваат со масовен одѕив на гласачите, па така според прелиминарните проценки на агенцијата „Ипсос“, до 12 часот на гласачките места излегле 35,1 отсто од запишаните избирачи, пренесуваат медиумите.
Високата излезност беше најавена уште во утринските часови, кога податоците од Републичката изборна комисија покажуваа дека до 10 часот својот глас го оствариле 19,72 отсто од граѓаните, што претставува значително зголемување во споредба со претходните парламентарни избори во декември 2023 година, кога во истиот период излезноста изнесувала 9,94 отсто. Пред избирачките места низ бројни градови ширум земјата през целиот ден се формираат долги редици.
Изборите се одржуваат во специфичен амбиент по двегодишните студентски протести поттикнати од трагедијата во Нови Сад, каде што при пад на настрешницата на железничката станица животот го загубија 16 лица. На овие избори, каде што се избираат 250 пратеници меѓу 18 изборни листи, студентската листа се појавува како главен предизвикувач на владејачката опција, а гласачките места ќе останат отворени до 20 часот.