Вистински зимски услови и температури под нулата во последните денови го зафатија азискиот дел од Русија.
Обилни снежни врнежи се регистрирани во северните делови на земјата, каде што градот Норилск веќе е целосно под снежна покривка, а температурите паднаа под нултиот степен.
Ледениот воздух и снегот го зафатија и поширокото подрачје околу Бајкалското Езеро, вклучително и градот Иркутск.
Во овие региони дува силен ветар кој создава снежни навеви и отежнати услови на теренот.
Станува збор за области каде што зимата вообичаено трае околу осум месеци — од средината на октомври до мај.
Најстудениот период во овие краеви допрва претстои, а веќе во текот на следниот месец температурите вообичаено се спуштаат и до минус 40 степени Целзиусови.
Освен во Русија, студен бран со интензивни снежни врнежи се шири и низ северна Скандинавија, каде што под снег веќе се наоѓа и градот Тромсо.