Структурата на приходите на граѓаните и изворите од кои се остварува доходот во 2025 година ќе бидат главна тема на денешниот брифинг за медиумите што го организира Управата за јавни приходи (УЈП).
Под мотото „Доходот на граѓаните во 2025: Што откриваат бројките“, директорката на УЈП, Елена Петрова, ќе презентира податоци и анализи за приходите што ги оствариле граѓаните во текот на изминатата година.
Презентираните информации ќе дадат увид во структурата на доходот, а ќе послужат и како основа за унапредување на даночната усогласеност и креирање поефикасни јавни политики.