Осум морнари се водат како исчезнати по пожар што избувнал на брод под знамето на Сан Марино во близина на романското пристаниште Сулина во Црното Море, додека спасувачките екипи интервенираат со бродови и хеликоптери.
Морнарите на погодениот брод утринава побарале помош од романските власти поради избувнувањето на пожарот, додека екипажите од блиските бродови пријавиле дека виделе два дрона како го погодуваат пловниот објект.
Претставници на Романската агенција за поморско спасување информираа дека бродот се наоѓа на 14 наутички милји од Сулина. Причината за пожарот сè уште не е официјално утврдена.
Во текот на ноќта во областа беше прогласена тревога откако бил забележан дрон во 1:34 часот наутро, кој потоа исчезнал од радарот над романските територијални води, слично на инцидентот што се случил претходната вечер веднаш по 20 часот.
Според првичните информации, на бродот имало 12 морнари, од кои осум се исчезнати, а романските авиони синоќа беа испратени по откривањето на воени радари во близина на Сулина и на островот Серпилор.