Скопската полиција презеде мерки против сопственик на автомобил „Форд“, кој со возилото го попречувал нормалното одвивање на сообраќајот на крстосница во Скопје.
Случајот се случил на 7 октомври на улицата „Васил Војвода Чакаларов“, а настанот беше објавен и на социјалните мрежи.
Од Министерството за внатрешни работи информираат дека сопственикот на возилото, со иницијали Ш. А., вчера бил повикан во Секторот за внатрешни работи Скопје.
Против него се преземени соодветни мерки согласно Законот за безбедност на сообраќајот на патиштата, информираат од полицијата.