Во Собранието денеска ќе се одржат седници на четири комисии, на кои ќе се разгледуваат повеќе предлог-закони поврзани со јавната администрација, шумарството, платите и надоместоците на избрани и именувани лица.
Комисијата за политички систем и односи меѓу заедниците ќе расправа за предлог-измените на законите за високи раководители, административни службеници и вработени во јавниот сектор.
Пред членовите на Комисијата за земјоделство, шумарство и водостопанство ќе се најде Предлог-законот за изменување на Законот за шумите, по скратена постапка.
Комисијата за економски прашања, труд и енергетска политика ќе го разгледа Предлог-законот за дополнување на Законот за плата и други надоместоци на избрани и именувани лица во Република Македонија.
За истите законски решенија ќе расправа и Законодавно-правната комисија, која ќе ги разгледа предложените измени поврзани со високите раководители, административните службеници, вработените во јавниот сектор, платите и надоместоците, како и Законот за шумите.