Регулаторната комисија за енергетика, водни услуги и услуги за управување со комунален отпад (РКЕ) донесе одлука со која се врши намалување на малопродажните цени на нафтените деривати во просек за 1,85% во однос на претходната одлука од 28 септември 2026 година. Новите цени стапуваат на сила од 6 октомври 2026 година, од 00:01 часот.
Според пресметките, референтните цени на светскиот пазар бележат намалување: кај бензините за 2,885%, кај дизелот за 4,770%, кај екстра лесното масло за 4,384%, додека кај мазутот намалувањето изнесува 1,807%. Истовремено, курсот на денарот во однос на доларот е повисок за 0,9101%. При формирањето на цените се применети и владината одлука за намален ДДВ од 10% за еуродизелот, како и намалениот износ на акцизата од 4,00 денари за литар кај бензините и дизелот.
Максималните малопродажни цени од понеделник ќе изнесуваат:
- ЕУРОСУПЕР БС – 95: 98,50 денари/литар (намалување за 1,50 ден/лит)
- ЕУРОСУПЕР БС – 98: 100,50 денари/литар (намалување за 1,50 ден/лит)
- ЕУРОДИЗЕЛ БС (Д-Е V): 97,00 денари/литар (намалување за 3,00 ден/лит)
- Екстра лесно 1 (ЕЛ-1): 108,50 денари/литар (намалување за 3,00 ден/лит)
- Мазут М-1 НС: 49,597 денари/килограм (намалување за 0,285 ден/кг)
Од РКЕ потсетуваат дека овие цени се максимални, а трговците на големо и мало можат да ги формираат цените и на пониски нивоа од утврдените.